النوايا والحياة الؤجلة

انا نزلت المظاهرات اليوم وكنت بفكر قبلها بفترة يا تري لو نزلت ولاي سبب مت زي ما بنسمع كل يوم يا تري حيبقي موقفي ايه ؟؟؟ يعني نيتي ايه ؟؟؟ممكن ربنا يعاملني ازاي؟؟؟ وايه اللي ممكن يحصل في كل شيء في حياتي لو حصل ده بجد؟؟؟ مكدبش عليكم كنت خايفة .اول حاجة قلت في نفسي اني مش ححاول اعمل اي اذي لاي حد . يعني مظاهرات سلمية من غير ضرر لاي حد ومحرضش اي حد علي التاني ابدا . بس الفكرة اني نازلة اقول رأيي عشان بلدنا تتغير وتبقي احسن ولان فيه حاجات بجد مش عجباني في حكم الاخوان للبلد . وطلبت من ربنا انه يرجعنا بخير . المهم نزلت وشاركت والتقطت بعض الصور طبعا والفيديو حبقي ارفعهم لكم ان شاء الله . ورجعت الحمد لله وكنت مبسوطة كتير . بس عارفين ساعات الخوف من الموت بالذات ومقابلة ربنا والخوف من الخاتمة بيبقي مفيد لاني حاولت انه تكون عندي نيه خير . وتوكلت علي الله وسألته ان يحميني وتركت الباقي عليه فبقي الحمد لله كل شيء طيب . بس هو احنا ليه مش بنفكر كده علي طول عشان بننسي اننا حنموت فعلا ؟ ولا احنا عندنا طول امل في الدنيا بغير حق . وعلي فكرة صعب جدا موضوع الموت واحنا لسه في رقابنا حاجات متعلقة المفروض كنا نعملها ومؤجلة لبعدين .بس عارفين مهم جدا موضوع النوايا وحسن الخاتمة . ربنا يجعل خاتمتنا خيرا ويحسنها لنا جميعا ان شاء الله

اللي يحوشها يغور معاها

كك كسر حقك وبقك ياللي في بالي

وفي بالي اشكك  واحقك وماانتاش غالي

راحت ليالي ورجعت ليالي وانت قاعد لي وواقف لي حالي

دودة في ارضي ومش حعدي بلاويك معايا

الدنيا لحظة وفي لحظة نفسي اجيبك ورايا

ويعدي عمرك مليان بهمك وتموت بحقدك ومش كفاية

فاكرني حسكت انا عمري ما اسكت

انا جبت راجل مليون ومية رجالة جد ومش ولايا

انا بكرة تملي ايامي فرح وبحقدك انت الاقيك في جرح

جيشك ده قطة تنونو تخافوا

شافوا خيالها ماتوا اللي خافوا

عدي شوية تعبت ونامت

صحيت جابوا لها شبشب وقامت

بتتمشي حبة شافت حرامي قالت يا مامي ده جيش نظامي

قال ماما جاية تطبطب شوية  بحبة هدايا

اشي دبابة واشي طيارة  واشي بندقية

يا دي المصيبة قطة وجابوا لها العاب نارية

خافوا اللي منها بعدوا وهربوا

وهي عايزة تفرح شوية يا دي الرزية

جابت خريطة وشافت جيرانها لعبت معاهم

قالوا زمان تاكل وتنكر

وقطتكم دي بتقتل وتنكر

قلنا لماما  وسألتها ماما

قالت يا ماما انا شوفت فار

قام دمي فار جبت الهدية وجريت وراه

وعدي جيراني في الساعة دية

ودي القضية مظلومة دايما وبحسن نية

حسنية ماتت وماتوا عيالها

وماما لسه محدش في  بالها

حسبي يا ربي من كل ظالم وانت اللي عالم

تجير بلادنا والقطة دى تغور في داهية

جالها مصيبة تصيب حشاها

 واللي يحوشها يغور معاها

 

6-5-2013

11:15 م

 

 

انا مش عاجبني ضرب اسرائيل لسوريا او اي دولة عربية وده رايي فيهم

 

 

تذكرتك

تذكرتك لأني لم أنساك

وانسي الهوان ان تذكرتك

كل الخطي تسألني عنك  وانا اسأل الخطي عن نهاية غيبتك

كل الطرق أسير فيها ابحث عنك بين ثناياها وعسي ان أشم حتي رائحتك

عيني تراك مبتسما وانا اكره ان اكذب عيني

فهل تلعب معي فتخفي نفسك ولكن متي تنتهي ؟؟؟

 ومتي اصرخ واقول هيييييييييييييييييييه وجدتك ؟؟؟

كل المسافرين اليك لم يعودوا فهل آنستهم ام احبوا قربك ؟؟؟

ومتي تفوز نفسي بجيئتك ؟؟؟؟؟؟؟؟؟؟

شاهدت طفلا فقد امه دخل غرفتها يبكيها ويضم حاجاتها يسترجع ذكراها

هو ابكاني !!!!

            واوجع قلبي !!!

انا لا اعرفك حتي ولكني ابكي الفراق !!!

واخشي علي نفسي منه !!!

لدرجة خشيت فيها معرفتك !!!!!!!!!

 

 

 

 

                                                                     16-5-2012

                                                                          1 ص